E sacrificio cu ta wordo pidi di TUR hende ta pa yuda brinda alivio na esnan cu tine hopi mas dificil den tempo di crisis di COVID19

ORANJESTAD – Minister Maduro a reuni cu sindicatonan pa asina informa nan na unda e placa di e sacrificio di, entre otro, e 5% di e salario di e empleado publico ta bay. E mandatario a sigura e sindicatonan cu TUR sacrificio cu ta wordo pidi di TUR hende ta pa brinda alivio na esnan cu tine mas dificil na e momento di crisis aki. 

Minister Maduro a brinda e sindicatonan un presentacion den cual a informa cu Gobierno a traha pa brinda yudansa den forma di Alivio Fiscal, FASE, Sosten Financiero pa negoshi chikito y mediano, Subsidio di Salario y microcredito via Qredits. Un grupo di mas di 8000 persona y mas di 2000 compania a ricibi FASE di 950 florin surpasando 11 miyon florin na yudansa. Gobierno a reserva 40 miyon florin pa yuda compania chikito y mediano pa nan haya 4000 florin pa kwartaal. Na mei a brinda un 45 miyon florin na Subsidio di Salario pa 1648 compania por a paga 26802 trahador un salario. Gobierno a percura pa un subsidio pa asina Qredits por a brinda 175 un microcredito cu e suma total di 8 miyon florin. Si no tabata pa e sacrificio di, entre otro, Empleado Publico, Gelijkgestelden, Parlamentarionan, Ministernan, Pensionado di APFA, empleado Compania Estatal etc etc, e yudansa aki no por tabata posibel. No ta pornada ta pidi e sacrificio, e cifranan ta mustra na unda e yudansa a bay. 

Na final Minister Xiomara Maduro a splica cu Gobierno ta fia un parti grandi di e placa aki fo’i Reino Hulandes y e placa ta condiciona, pues Aruba mester cumpli cu condicionnan pa cual tur hende mester haci un sacrificio pa por cumpli cu nan. Sin e fondonan aki nos Pais no ta make it awor aki. 

Share:

Leave a Reply

Your email address will not be published. Required fields are marked *