Dialuna atardi polis a ricibi informe di cu tin un van blanco cu lo a accidenta na Savaneta y ta bayendo direccion pabao coriendo masha malo mes. Na altura di Drive-Inn e van a sigui bay pabao y a pasa un polis, mesora e polis a bay su tras pone sirena y lus pa par’e pero e chauffeur no kier a para. Ta te na e tireshop na Mahuma a logra par’e unda eynan a constata cu e chauffeur tabata bao influencia di un of otro subtancia y a detene. Adenas polis a nota varios marca fresco di dalmento riba e van.
