Ex a presenta cu un Incasso Bureau na Canoastraat pa bay cu auto y brommer, pero ela bay man bashi

Diadomingo anochi a drenta informe di un bochincha andando den Canoastraat, mesora a dirigi un patruya na e sitio. Na yegada di e patruya a bin compronde cu aki lo ta trata di un problema entre un ex-pareha unda e ex di inicial H. a presenta na e cas acompaña pa un Incasso Bureau cu takelwagen pa asina bay cu auto y brommer cual e ta bisa ta pertenece na su persona, pero e mama y un ruman a referi cu e auto y e brommer ta di su yiu muhe, cu ta el a paga pa ambos ( cu placa di un herencia) y cu lo bay un abogado manera dia habri pa atende cu e persona aki. Segun e cabayero, e tin e vehiculonan aki registra na su nomber y como tal e ta doño di nan y lo kier a bay cu nan for di sitio. Acompaña pa dos persona cu a identifica nan mes como Incasso Bureau. Nan a bishita diferente adres durante dia pa asina busca e dama pa por entrege e documento den su man pa avisa cu nan lo ta tumando e auto y brommer den beslag. Te den oranan di anochi a bin na e adres ey unda e situacion a bira tenso y a pidi presencia di polis. Polis na sitio aa intermedia y a palabra/y conseha pa ambos tuma contacto cu nan respectivo abogado pa asina regla e asunto mas pronto posibel. Na final polis no a permiti ningun hende bay cu nada for di e sitio y ta spera cu pronto lo por finalisa e disputa entre e pareha cu ya no ta cu otro mas.

Share:

Leave a Reply

Your email address will not be published.