Diadomingo madruga a drenta informe di cu tin un persona sospechoso bisti cu un carson bruin camisa preto manga largo y lo tin un arma di candela 9mm den su poder banda di e basketball-veld na Village, mesora a dirigi patruyanan na e sitio. Bayendo na e sitio a drenta otro informe di cu e sospechoso aki lo a move y ta banda di Baranca Bar, e patruyanan a desvia y un di e patruyanan a nota cu e sospechoso a cuminza core bay direccion di Village bek, polisnan a nota cu e tabata tin algo den su man posiblemente un cuchiu of algo otro y cu den e coremento e lo a tira esaki afo. Despues di un rato ela ser gara den Caya Guadaloupe y a detene y hiba warda di polis.
