Diasabra atardi a drenta informe di cu tin sacamento di arma di candela dilanti un supermercado na Noord, mesora a dirigi patruya na e sitio. Na yegada di e patruya a bin compronde cu e sospechoso lo a bay caba pero e victima a keda tur spanta te cu a solicita presencia di slachtofferhulp y tambe recherche cu e departamento technico y forensyco. Polis a recolecta e grabacionnan di e camara di seguridad den e area indica. Investigacion a inicia mesora y awor ta en busca di e sospechoso.