Bo asuntonan bancario facil y lihe na Aruba Bank Self-Service San Nicolas

ORANJESTAD, 12 di juni 2020–Aruba Bank a introduci e prome Self-Service Area na San Nicolas, pa brinda e comunidad pariba di brug opcionnan bancario facil y lihe. Na luna di mei e banco pionera a ekipa su sucursal cu un Smart Deposit Machine, un Customer Service Kiosk y un ATM adicional pa brinda e cliente un berdadero experiencia superior.

Nos ta recorda tur cliente cu na e Smart Deposit Machine, tur cliente di Aruba Bank por deposita placa cash riba nan cuenta, paga recibonan di utilidad (WEB, ELMAR, SETAR) y paga tarheta di credito. Tur e transaccionnan aki lo ta disponibel ariba cuenta di biaha. E deposito di biyetenan por ta tanto na Florin como na Dollar Mericano (AWG y USD), cada uno mester wordo deposita apart.

E area ta consisti di un mashin di ATM caminda e mashine ta bay mas leu cu simplemente lanta placa y check bo balans. Awor por cambia PIN, mira of print mini statement, incluso transferi di cuenta pa cuenta. mihor. E ventahanan aki ta disponibel pa clientenan tanto individual y negoshinan, cu tin un tarheta di debito (ATM).

Na e Customer Service Kiosk, bo por haci cambio di bo informacion personal, activa text banking, link un cuenta na un ATM card, incrementa e limite di ATM, reemplasa un credit card, raporta un credit card perdi of horta, pidi un card PIN number, pidi un overdraft, haci transferencia pa otro persona y hopi mas.

Nos representantenan cu e polo geel bisti ta na nos sucursal na San Nicolas pa asisti tur cliente. Nos area di Self-Service ta habri diariamente for di 7’or di mainta pa 9’or di anochi.

Share:

Leave a Reply

Your email address will not be published. Required fields are marked *