Diadomingo anochi a drenta informe di un caso di atraco, maltrato y accidente den Ranchostraat, mesora a dirigi patruyanan na e sitio. Na yegada di e prome patruya a bin compronde cu tur esakinan tin di haber cu e mesun caso despues di cu un chauffeur a bay pasa cu su auto den Rancho. Aparentemente ora e chauffeur tabata pasando den Ranchostraat ela ser ataca pa un persona tipo rasta short blauw, e sospechoso aki a agredi e chauffeur y a subi den e auto saca cuchiu pa atraca e chauffeur y a bay dal e auto riba un otro auto staciona eybanda despues di e impacto e sospechoso a core baha lagando e cuchiu den e auto y a bay drenta un cas eybanda. Polis a bay na e cas y eyden a topa cu e sospechoso cu a cuadra cu e descripcion duna y ora e victima a wak e ela confirma cu esey ta e agresor. Mesora polis a detene y a yama tanto departamento di trafico, atraco team, e investigadornan technico y forensyco y hasta slachtofferhulp.
