Diamars mainta a drenta informe di cu un vehiculo lo a pega candela den Parke Arikok. Mesora a dirigi brandweer na e sitio. Na yegada di Brandweer a constata cu e candela ya caba a wordo paga, Tabata trata di un UTV, maneha pa turistanan. Segun testigonan e turistanan tabata bayendo direccion di parke ora cu e vehiculo a cuminsa coy candela. Rangernan di Parke Arikok cu a mira loke tabata pasando, net prome cu entrada di e parke, a core bay na ayudo di e hendenan aki. E cinco Rangernan a logra paga e candela cu “brandblussers”. Despues nan a hiba e turistanan paden, mientras cu a yama e compania cu a huur e vehiculo aki pa bin busca nan. E turistanan no a resulta herida, ya cu ora cu nan a mira cu e vehiculo a cuminsa coy candela, nan a bula for di dje. Nan ta masha agradecido na e cinco Rangernan cu a bini na nan ayudo.
