Diamars marduga a drenta informe di un accidente pisa pabao di La Granja Savaneta, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu ata trata di un accidente frontal entre un Toyota Yaris blanco y un Mitsubishi Lancer shinishi. E chauffeur di e Toyota Yaris tabata bayendo direccion San Nicolas pa un motibo of otro a bay na su man robez y a bay dal frontal riba e Mitsubishi Lancer di direccion contrario cu tabata bayendo Oranjestad. Den e Lancer tabatin 2 persona y den e Toyota Yaris 1. E daño material tabata hopi riba ambos auto. Na yegada di e ambulans nan a atende e 3 victimanan herida. E personal di ambulance a atende cu tur e victimanan y a transporta nan pa hospital.
