Polis a bay na e Consulado di Haïti pa un ladron hortando airco

Diabierna atardi birando anochi a drenta informe di cu lo tin un persona hortando un airco na e Consulado Haïtiano, mesora a dirigi un patruya como tambe e helicopter cu pa casualidad tabata den cercania na e sitio. Na caminda pa e sitio e personal den e helicopter a informa cu aki lo ta trata di un adicto ambulante cu un bicicleta preto y cu un canasta pega na e cacho di e stuur, na yegada di e patruya a bin encontra cu e sospechoso kende a declara cu e lo tin permiso di e doño. Na yegada di e doño di e edificio a bisa cu e tin e edificio na huur cu e Consulado kende tambe a ser avisa y ta na caminda. Na su yegada ela nenga di a duna e sospechoso permiso pa bay cu esakinan. E sospechoso a kere cu ya cu ta airco cu nan ta cambiando e por a bay cu nan. Polis a hala atencion di e sospechoso pa su acto y pa a gaña polis cu e tabata tin permiso pa bay cu esakinan. Polis a core cun’e for di e sitio y pa e keda leu.

Share:

Leave a Reply

Your email address will not be published. Required fields are marked *