Accidente cu hende herida banda di Mundo Nobo na Santa Cruz

Diamars mainta a drenta informe di un accidente cu hende herida na e cruzada banda di Mundo Nobo na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu na e final di e cruzada “T” e dama chauffeur di e Ford Ecosport biniendo for di pariba a haya chance for di un auto banda panort pa subi e caminda pero no a mira cu for di pazuid tabata bini un Toyota Yaris y a bay dal den esaki. E impacto tabata fuerte y e dama chauffeur di e Ecosport a resulta herida kehando di hopi dolor na su nek y lomba. Na yegada di e ambulans nan a atende e victima na e sitio mes y a bise si mas despues e haya dolor e bay su dokter of hospital.

Share:

Leave a Reply

Your email address will not be published. Required fields are marked *