Intento di atraco na un cas na Balashi, yiu ta encontra tata mara den cas

Diahuebs atardi a drenta informe di un atraco na Balashi. Mesora a manda varios patruya y e helicopter di polis na e sitio. Na yegada di patruya a bin compronde cu ta trata di un intento di atraco na un cas. E atracadornan no a bai cu nada ya cu a pidi placa pero esaki no tabata tini. Ta trata aki di personanan cara tapa cu arma di candela y na lo mester a bandoa e sitio den un auto. E yiu a cana yega cas di e tata y a encontre mara y a bati alarma. Ambulans como tambe slachtofferhulp a presenta na e sitio pa a atende cu e homber cu a wordo mara durante un intento di atraco arma.

Share:

Leave a Reply

Your email address will not be published.