Pone bon atencion: Tur prikpost di LabHOH ta traha segun afspraak so!

Algun siman pasa a introduci e sistema di traha cu afspraak so na tur localidad di LabHOH cu e meta principal pa evita aglomeracion. Durante aña nos a custumbra cu e sistema di “walk in” na cualkier prikpost di LabHOH pero mester a cambia esaki den cuadro di e COVID-19. E meta principal ta keda higiena y distanciamento social pa proteha tanto pashent como personal di LabHOH. Tene bon na cuenta cu si no tin cita no lo por atende bo persona. Pa traha un cita por yama LabHOH di dialuna pa diabierna di 7am pa 3pm na 527- 4901. Ta pidi tur pashent pa meld na bali maximo 5 minuut prome cu bo cita y no mas pa evita aglomeracion di hende.

Na e prikpost situa na Hospital tin e orario di 7am pa 3.30pm y na prikpost di Oranjestad di 6.30am pa 11.45am. Na Piedra Plat ta habri di 6am pa 10.45am y na San Nicolas (banda di Arubus) ta habri di 6.30 am pa 10.45am.

Por fabor tene bon cuenta cu e cambio aki menciona. Nos ta pidi pa aplica un bon higiena di man y tene distancia social na tur prikpost. Y si bo ta sinti un di e e sintomanan di COVID-19 keda cas y yama bo dokter di cas pa aisna sigui su intruccionnan.

Share:

Leave a Reply

Your email address will not be published. Required fields are marked *