ORANJESTAD – Garage Centraal Aruba a anuncia e introduci na mercado local di un sedan nobo, den forma di e Hyundai Verna.

Verna, cu un plataforma di size similar na e Hyundai Accent, ta ofrece un style exterior moderno y dinamico, cu espacio interior sumamente comodo. Mas ainda, e ta conta cu un nivel di opcionnan completo, cu features manera e Touchscreen Radio Player, equipa cu Android Auto cu Apple Car Play, Bluetooth pa yamada cu audio, airbags y mas.

E seating ta comodo tanto pa esun cu ta maneha e auto como tur pasaheronan dilanti cu atras, y ta conta cu electric windows y locks. Pa locual ta su motor, Verna ta equipa cu un motor 1.4 liter cu Automatic Transmission, cu ta ofrece un nivel hopi economico pa locual ta consumo di gasolin, y potencia adecua riba caminda.

Naturalmente e auto aki ta conta cu e calidad solido pa cual Hyundai ta bon conoci, y cu respaldo solido di servicio y piesanan di Garage Centraal Aruba.

Mas impresionante ainda, tur esaki ta disponibel pa apenas 29,990 florin, cual ta haci di e Hyundai Verna un di e ofertanan mas completo pa locual ta e balor di e auto y e nivel di equipment cu esaki ta ofrece.

Garage Centraal Aruba finalmente a extende e invitacion mas cordial pa bishita e showroom na Sabana Blanco, pa asina check e tremendo auto aki. Cantidadnan ta limita na e momento aki, pa locual representatenan di Garage Centraal a conseha pa pasa lo mas liher posibel pa check e totalmente nobo Hyundai Verna.