Diaranson atardi a drenta infrome di un accidente cu hende herida dilanti di Tao Bao na Tanki Flip, mesora a dirigi tanto polis como ambulans pa e sitio. Na yegada di e patruya a bin constata cu a ki ta trata di un accidente unda chauffeur di un S.U.V. a lo a reverse riba caminda sin a duna preferencia na un brommer bayendo pabao riba caminda grandi y a causa un accidente. E brommer a pruba hala na banda pa evita un impacto frontal y asina a dal den banda patras di e S.U.V. Ambulans a presenta na e sitio y a atende cu e 2 persona nan cu tabata riba e brommer y a trasnporta e motorcyclista pa hospital.
