Cacho a destrui full un front di auto na Seroe Patrishi te hasta e harnas ela destrui!

Cu hopi fanfaria a anuncia cu e ley di cacho a pasa pero NADA TA SER HACI cachonan ta doño tur caminda te hasta den bo cura!

Diamars mainta tempran a drenta informe di un caso di destruccion na un cas na Seroe Patrishi, mesora a dirigi un patruya na e sitio. Na yegada di e patruya nan no por a kere locual nan a mira. Un cacho a destrui e fron di un Kia Cerato para den cura di e cas. Bumper ranca harnas di e wayanan corta y destrui. Polis a tuma nota di e destruccion y nada mas. Cos no por keda asina, mester cuminsa piki e cachonan cu ta cana los riba caya!

Share:

3 thoughts on “Cacho a destrui full un front di auto na Seroe Patrishi te hasta e harnas ela destrui!

  1. E artikel a lubida di menciona cu mester cuminsa boet esnan cu ta bandona cacho riba caya tambe.
    Facil pa bisa piki e cachonan cu ta los riba caya. Pero ken ta responsabel pa esey? Esnan cu no ta sterilisa nan cacho y esnan cu no sa kico ta nifica ta doño responsabel di un cacho. Cuanto hende aki ta busca cacho djis pa pone nan na cadena pafor? Esey no ta un bida. Hasi drechi y busca un alarm system, no un cacho. Aruba ta yen di hende cu no tin amor pa bestia. Cu ta djis bandona nan manera nada. Y cu ta skirbi pa piki e cacho nan for di riba caya como si fuera no ta e doño nan irresponsabel ta e problema.
    Despues kico? Hiba nan afmaakhok y pone nan drumi? Cuminsa na educa e ignorante nan.

Leave a Reply to Awe24 Cancel reply

Your email address will not be published. Required fields are marked *