Dialuna algo prome cu 5or di atardi tabatin un incidente na Pos Abou, unda un persona aparentemente a bira malo. E persona aki tabata canando den area di Playa Pabou y e ta biba den bisindario. A pidi ambulance cu urgencia pasobra ta trata di un persona di edad, conoci como “Mackay”. E tabata keha di dolor na su lomba, banda drechi. Na prome instante a kere cu auto a dal’e pero ora cu a combersa cun’e a resulta cu el a sinti un dolor fuerte y el a sak den otro. Mientras cu tabata spera yegada di ambulance, e Polisnan a percura pa pone un paña na suela, cu tabata hopi cayente y a lague drumi riba esaki. Rapid Responder cu a yega na e sitio, a cuminsa trat’e sperando riba yegada di ambulance. A tarda un poco pa motibo cu tabatin dos accidente na casi mesun momento. Na yegada a transporte pa hospital pa control mas profundo.
