Diamars mainta a drenta informe di un accidente cu un persona levemente herida na e crusada di Professor Lorenzstraat cu Emmastraat, mesora a dirigi tanto polis como ambulans na e sitio. Na yegada di e patruya na e sitio a constata cu aki un Nissan March bayendo zuid den Emmastraat no a duna preferencia na un dienst auto Hyundai i10. E auto D a alcansa e March den su porta di banda drechi di chauffeur y a causa di esaki e dama a resulta herida. Ambulans a presenta na e sitio y a atende cu e dama cu tabata tini dolor den pecho como tambe den rudia tambe a atende un mucha chikito cu tabata sinta patras den e March
