Diadomingo merdia a drenta informe di un accidente cual e situacion ta bayendo for di man na Pos Chikito, mesora a dirigi patruya na e sitio. Na yegada di e patruya a bin compronde cu aki ta trata di un accidente semi frontal unda un Chevrolet a bini cu velocidad y a tuma e birada y a bay te otro banda di e caminda anto un Toyota Celica di direccion contario a kita na man drechi pa evita e impacto pero como cu un auto tabata staciona eynan ela bolbe bay riba su banda di caminda y e impacto tabata inevitable. NA prome instante a kere cu e situacion lo a bay for di man debi cu e chauffeur di e Celica tabata hopi altera pero no tabata necesario pa polis actua. Aunke e impacto tabata fuerte cu hopi daño material afortunadamente no tabata tin hende herida.
