Accidente pa falta di preferencia cu hende herida na e crusada di Tanki Leendert pa Sero Patrishi

Diasabra anochi a drenta informe di un accidente cu hende herida riba e caminda di Oranjestad pa Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Honda Crosstour biniendo for di Sero Patrishi a subi caminda sin duna preferencia na un Ford S.U.V. esaki a dal den su banda y mande riba un palo di luz y despues den cura di cas kibrando meter di awa otro banda di caminda. Debi na e impacto e ocupantenan di e Ford a resulta herida y tabata keha di dolor di pecho. Na yegada di e ambulans nan a atende e victimanan. A pidi presencia di ambos W.E.B. y ELMAR na e sitio ya cu e Honda a bay dal den palo di lus prome cu ela bay otro banda di caminda den e cura di cas kibrando un meter di awa. Segun declarashon di ocupante di e Ford e Honda lo a subi caminda sin para na e crusada.

Share:

Leave a Reply

Your email address will not be published.