Diamars mainta por a tuma nota di un grupo di Mariniers den Emmastraat net dilanti Fundacion Pa Nos Comunidad. A bin compronde cu aki F.P.N.C. hunto cu Marinierskazerne ta preparando cuminda pa esnan den nececidad. A logra tene entrevista cu directora di F.P.N.C. Sra. Gianaika van der Biezen cu a splica cu nan ta preparando 200 cuminda cayente pa dia pa clientenan di e fundacion, e evento aki ta uno di 8 dia largo cual ta 4 dia na Oranjestad y 4 dia na Sanicolas. Den un otro entrevista cu Sgt1. Kelly van Dongen di Marinierskazerne a splica cu despues di e training na Merca di 32e Raiding Squadron nan tey bek na Aruba riba cuarantene a dicidi di hasi e bon gesto di yuda comunidad den necesidad for di dia 30 di Maart te cu 5 di April cu preparacion di 200 cuminda pa dia. Di parti di redaccion kier a gradici tur esnan cu a dedica nan mes na haci e bon gesto aki pa esnan den necesidad. Diahuebs en adelante lo reparti esaki nan na Sanicolas.
