Cancelacion di Fiesta Movemiento ta Bida

Debi na e ultimo desaroyonan ariba nos isla directiva di Fundacion Movemento ta Bida a dicidi pa pospone nos fiesta “ Back to the Sixties” cu tabata plania pa tuma lugar Diadomingo dia 26 di April na Renaissance Ballroom te un otro fecha.

Tur esnan cu a cumpra caarchi caba por trece esaki bek na e lugar unda nan a cumpre y hanja nan plaka bek.

Tambe tin posibilidad pa bin na oficina di FMTB pa entrega esakinan. Corda si cu nos oficina por lo pronto ta sera.

Nos lesnan den e differente districto tambe ta para te ora tur cos normalisa aki na Aruba.

Tur nos partisipantenan ta worde encurasha pa keda hasi ehercionan na cas y cuida boso curpa p’asina nos tur por cuminsa hunto atrobe asina cu cos drecha.

Corda cumpli cu locual ta worde exigi di nos tur e dianan aki y pa cualkier informacion por tuma contacto cu miembronan di directiva.

Dia 6 di april lo ta dia international di actividad fysico y ban nos tur hasi cualkier actividad na nos cas cu nos famia. Directiva tabata tin henter un programa prepara pa e dia aki pero lastima nos mester a para tur esaki. Dios bendiciona boso nan tur y cu pronto nos lo topa otro atrobe. Harold de Miranda

Share:

Leave a Reply

Your email address will not be published.