Auto a dal un adicto ambulante riba E.J. “Watty” Vos blvd. ela perde balans riba e sero di santo cu ta dividi e vianan.

Diabierna mainta a drenta informe di un accidente cu hende herida riba E.J. “Watty” Vos blvd. entre e rotonde Ponton pa Tanki Leendert, mesorha a dirigi tanto polis como ambulans na e sitio, Nayegada dibe patruya a bin compronde cu aki ta trata di un accidente unda e conocido adicto ambulante “Pop”, a cruza e caminda y a bay subi e serito di santo cu ta dividi e 2 vianan ora e tabata riba e sero a perde balans y a bay cu velocidad riba e caminda pa bay pariba net ora cu un Kia Sportage tabata bayendo pariba e dama chauffeur no por a haci nada pa evita e impacto y a dal e victima na e front mand’e dal e windshield y cay pazuid riba e caminda. E impacto tabata fuerte y e victima no tabata reacciona. Un miembro di Cruz Corra cu pa casualidad tabata pasando a baha duna prome auxilio y a nota e gravedad “, ela pidi e ambulans cu mas urgencia pero ya caba e ambulans tabata na caminda. Na yegada di e ambulans nan a atende e victima y cu sumo urgencia a transporte pa hospital.

Share:

Leave a Reply

Your email address will not be published.