Dialuna madruga durante patruya na Caya G.F. “Betico” Croes polis a nota un scooter sospechoso y a dun’e señal pa para pero e motociclista a primi trot y a purba huy, e patruya a bay su tras y a dun’e ordo pa para pero e no a haci caso. Polis a start cu un persecucion cu a pasa den Dakota sigui pa Tarabana subi Avenida E.J. “Watty” Vos direccion nort. Na e rotonde banda di ex-Codemsa e scooter a sigui riba e caminda sera. Yegando e “Nultonde” e motociclista a dal riba e acera accidenta su mes heridando su cara. Eynan mes polis a detene y a pidi un ambulans pa e motociclista. Na yegada di e ambulans nan a atende y transporte escolta pa polis pa hospital.
