Maltrato na Schotlandstraat, victima no tabata desea atencion di ambulans

Diadomingo marduga a drenta informe di un caso di agresion na un compleho di apartamento situa den Schotlandstraatmesora a dirigi patruyanan na e sitio. Aparentemente esaki no ta prome biaha cu e ta sosode. Aparentemente dos homber lo a haya discusion cu otro pa un ke otro motibo y a caba den dalmento basta serio. Hasta mama di e victima, un dama di 78 aña di edad, a bay purba intermedia pa asina para e pelea, pero te hasta e a haya sla for di e agresor. E victima mes a keda seriamente herida cu un cap basta serio na su cabes. Pa ora polis a yega, ya e agresor a bandona e sitio. A pidi un ambulance pa presenta pa duna asistencia medico na e mama di 78 aña, kende pa colmo tambe ta sufri di sucu.

Share:

Leave a Reply

Your email address will not be published. Required fields are marked *