Diadomingo madruga un patruya atento a nota un brommer sospechoso y a purba bay su tras pero esaki no a logra. Un rato despues e brommer aki yegando rotonde Tanki Leendert su brake a faya y e motocilista a haya su mes obliga di bula for di e brommer pa asina evita un impacto riba e rotonde. E impacto di e brommer na e rotonde a laga e brommer na werki. E bula aki a laga e motociclista herida pero asina mes a cana bay nort te na Salinja unda eynan a pidi ambulans p’e. Polis tambe a bay na e adres pa tuma personalia di e victima. Na yegada di e ambulans nan a atende e victima y a transporte pa hospital. Famianan mes a bin recoge e restantenan di e brommer Suzuki Hayabusa.
