Diabierna mainta a drenta informe di un accidente cu hende herida na e cruzada di Catiri panort di e rotonde di Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e pick-up biniendo for di Papaya no a duna preferencia na e quadracer biniendo zuid y e quadracer a bay dal den dje y e motociclista a bay cay den e baki di pick-up. Na prome instante e motociclista no tabata keha di dolor y a cancela e ambulans, pero un rato despues si e dolor a cuminza sali y a pidi pa e ambulans. Na yegada di e ambulans nan a atende e victima y a transporte pa hospital.
