Diabierna madruga a drenta informe di un accidente Sabana Liber, mesora a dirigi un patruya na e sitio. Na yegada di e patruya a bin haya un auto cu un banda di wiel ful kibra y nan tabata trando riba dje tratando di dreche pero e no tabata drechabel. Polis a compronde cu e lo a baha for di caminda y a bay dal na e vangrailsnan ocasionando daño na e wiel banda robes. Ora polis a test e chauffeur a bin resulta cu e ta bao influencia y nan a detene. Na yegada di e vehiculo di transporte nan a bay cu e chauffeur na warda di polis.