Diamars madruga a drenta informe di un accidente basta serio cu hende herida na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur coriendo un Nissan March cu a slip riba e caminda muha bay dal riba un palo di lus. Den e vehiculo tabata tin unicamente un chauffeur cual a resulta seriamente herida. Na yegada di e ambulans nan a atende e victima y a transporte pa hospital pa tratamento mas avansa. Polis a sera e caminda pa basta rato pa asina por haci un mihor investigacion.