Diasabra mainta a drenta informe di cu tin un homber cu a subi tereno priva y tabata busca rond den e cura di su cas na Alto Vista, mesora a dirigi un patruya na e sitio. E patruya a ricibi e descripcion di e sospechoso y a bin topa cun’e no mucho leu. A bin resulta cu aki ta trata di e mesun persona cu su cabez no ta mucho bon ora a bay listr’e a hay’e cu algun cos bieuw cu e sospechoso mes a declara cu ta den mondi ela piki esakinan. E donjo di e cas cu a ser drenta den su cura a bisa di no ta haya falta di nada y polis a djies hala su atencion y ela sigui su rumbo.
Update: Den oranan di atardi a drena informe di un otro caso similar pero na Alto Vista y atrobe ta trata di e mesun sospechoso aki. Y mesun cos polis a bolbe hala su atencion y a lague sigui su rumbo.
Mas Update: E mesun atardi aki a bolbe drenta informe di cu un donjo di cas a haya e sospechoso aki bao afdak riba su tereno cu cura sera ta coba rond pero e sospechoso a core drenta mondi. A duna polis e descripcion y esaki a cuadra cu e mesun sospechoso. Polis a busca rond pero no a bin encontra cun’e.
Ta birando dimas cu e situacion aki cu habitantenan di diferente barrio ta haya nan mes aden pa un persona cu su cabez no ta bon y ningun instancia ta haci algo pa evita algo peor pasa.
