Diasabra anochi a drenta informe di cu lo tin un candela na un cas na Wayaca Residence, mesora a dirigi tanto polis como tambe bomberonan na e sitio. Na yegada di e patruya a bin nota un candela na un camber na e cas di dos piso di Wayaca 316. Bisiñanan a hala atencion mesora di e habitante cu tabata ta wak television den e prome piso y a pasa man pa e slang di jardin pa yuda combati e candela mientras cu bomberonan tabata yegando na e sitio. Polis a cera caminda, bomberonan a yega un rato despues. Cu trapi bomberonan a logra subi na e di dos piso di e cas pa asina combati e vlamnan cu a yega halto. Tur cos den e camber a bay perdi. Tecniconan di N.V. Elmar a kita coriente pa siguridad. E cas ta habita pa un famia Mericano cu ta bin Aruba pa pasa algun siman vakantie riba nos isla. Kico ta e causa exacto di e candela no por a determina mesora, ta sospecha kortsluiting. Dos truck di bombero a asisti den e candela aki.
