Orguyonan di Noord

Orguyonan di Noord

Ryan Figaroa a haci entrega di 4 ehemplar di un publicacion cu ta cubri 75 aña di historia di S.V. Bubali na directora di Biblioteca Nacional Aruba, sra. Astrid Britten. Titulo di e publicacion ta ‘Orguyonan di Noord: S.V. Bubali ta celebra su di 75 aniversaio’. Esaki ta skirbi pa e conocido autor Jossy Trompy a keda publica na 2018. Ryan Figaroa ta presidente di S.V Bubali y el a haci biblioteca un bishita hunto cu su yiu homber.

E buki ta duna un bista riba 75 aña di futbol na Bubali y e te na unda S.V. Bubali ta awor cu 350 miembro y su propio tereno di bala y clubhuis. Tambe tin amplio atencion pa e hungadornan di futbol di Noord. Texto ta ilustra cu potret. Sport Club Bubali ta nifica hopi pa e comunidad di Noord y esaki a keda documenta pa Jossy Tromp. 

Jossy Tromp (Aruba, 1954) a studia Biologia y Ley. Jossy Tromp ta ex-rector di Colegio Arubano y conoci den mundo literario pa su storianan y publicacion, ‘Un anochi y otro cuenta Arubiano’, ‘ Cetilalma y otro cuentanan Arubiano’ (1988), ‘E biento di atardi y otro cuentanan Arubiano’ (1998), ‘E barbulet preto y otro cuenta Arubiano’ (2007), Gabilan (2009), 13 cuenta (2011). ‘Tera di Waltaca’, obra di teatro ‘Camind’i cruz y obra di poesia ‘Na caminda’. Cu e obranan ‘Nos orguyo, 46 atleta Olimpico Arubano’ y ‘Orguyonan di Noord: S.V. Bubali ta celebra su di 75 aniversario’ Jossy ta demostra su interes y pasion pa e historia di mundo di deporte na Aruba.

Share:

Leave a Reply

Your email address will not be published. Required fields are marked *