Na Sero Blanco polis ta detene un muher cu a accidenta cu un auto horta y cu a core bay for di e sitio!

Diasabra merdia merdia a drenta informe di un accidente banda di Setar na Sero Blanco, mesora a dirigi un patruya na e sitio. Na yegada di e patruya a bin encontra cu e Toyota Corolla A-42454, cu lo a dal riba un palo di luz, pero e chauffeur no tabata na e sitio mas. Segun e bisinjanan nan a mira un ser femenino baha for di e auto cu un boter di biña “Night Rain” den su man y a cana bay. Polis a cuminza busca rond y den cercania di Joy Supermarket, a bin topa cu e persona aki kende ta un bon conoci di Polis, mesora a detene. E sospechoso aki a resisti su detencion, pero asina mes polis a logra domin’e, boei’e y hink’e den e patruya.

Investigacion haci na e sitio mes a logra saca afor cu e auto aki ta procedente di ladronicia den oranan di mainta.

Share:

Leave a Reply

Your email address will not be published.