Honda a ranca palo di luz na Hato, chauffeur a resulta levemente herida

Hato – Diabierna anochi pa mas o menos 10:20 polis y tambe ambulance a wordo notifica di un accidente di trafico na Hato, y cu lo tin hende herida.

Na yegada di polis di trafico mesora nan ta pidi pa Elmar tambe, debi cu e vehiculo un Honda a ranca un palo di luz. Na e sitio nos a compronde cu e chauffeur un hoben di 29 aña lo a bira malo tras di stuur y esaki a causa cu ela perde control kita bay na su man drechi. Den e esaki ela hak un palo di luz.

E palo di luz a keda wanta na e Honda. Por a mira cu e chauffeur a haya un kap na cabes, durante e impacto. Airbags a sali, un indicacion di un impacto basta duro.

Ariba propio forsa e chauffeur a cana subi ambulance, unda cu despues di un rato nan a sali direccion Hospital, unda nan lo mester trata e herida.

Personal di Elmar mester a zag un parti di e palo luz pa asina nan por a move e auto, debi cu esaki a keda pega contra e auto.

Share:

Leave a Reply

Your email address will not be published. Required fields are marked *