Diamars mainta a drenta informe di un accidente cu hende herida na e crusada di Weststraat-Rudolf Arendsstraat. Mesora a dirigi tanto polis como ambulans na e sitio. Na yegada di e patruya a bin compronde cu aki t a trata di un accidente unda e chauffeur di Hyundai Tucson cora cu tabata biniendo di pariba Rudolf Arendsstraat no a duna preferencia na e Chevrolet Spark blanco cu tabata bayendo nord den Weststraat. E impacto tabata fuerte y dos persona tanto e chauffeur y ocupante di e Chevrolet Spark blanco a resulta herida. Na yegada di e ambulans nan a atende e victimanan. E camara di seguridad di e supermercado a revela con e accidente a pasa.
