ACCIDENTE PISA CU HOBEN HERIDA PANORT DI E KAPEL DI ALTO VISTA

Diabierna net algo prome cu 11’or di mainta turistanan cu tabata den un trip off road a accidenta cu un UTV. E grupo tabata biniendo for di Lighthouse y bayendo direccion di Alto Vista. Na mas o menos un kilometer pabou di kapel, e UTV a kentel causando cu e pasahero sinta patras a cay. El a cay den e area unda tin piedra cu punta skerpi. E turista hoben aki tabata keha di hopi dolor di lomba, cu e no por a ni lanta di suela. Polis di Noord y trafico a yega na e sitio despues di mira e situacion a pidi pa ambulance. E paramediconan a cuminsa trata e hoben eybou mes y despues a pidi refuerso di coleganan pa stabilisa e herido, kende tabata na tino y por a comunica cu nan. E tabata un momento fastioso di hopi solo y den un area fastioso pero tabata pidi e hoben no move pasobra no sa ki lesion el a haya exactamente. A tuma tempo pa trata di lante cu menos movecion posibel y pa despues poco-poco cana bay cun’e na e ambulance. Durante e transporte mester a bay poco-poco te ora cu a yega bon caminda.

Share:

Leave a Reply

Your email address will not be published. Required fields are marked *