Diaranzon mainta a drenta informe di un accidente cu hende herida riba e caminda principal dilanti di Aruba Bank na Camacuri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Camry cu tabata bayendo direccion Oranjestad tabata pasando auto, un truck grandi y un pickup Nissan. E chauffeur di e Nissan a pone señal pa e lora man robes pa para banda di e cura di airport. E no a paga tino cu e Camry tabata pasando varios auto incluyendo e tambe. E pickup a lora net ora e Camry tabata pasando e y a dal riba e Camry pone perde control bay dal den palo di lus. Debi na e impacto e chauffeur di e pickup a keda levemente herida. Na yegada di e ambulans nan a atende e victima y a transporte pa hospital.

• 

• 

• 

• 

• 

• 

• 

• 

• 

• 

• 

• 

• 

• 

•