Atraco arma riba snacktruck banda di Carnival Village, atracadornan arma cu cuchiu y machete

Diasabra madruga a drenta informe di un caso di atraco arma na e snacktruck banda di Carnival Village na Sanicolas, mesora a dirigi patruyanan na e sitio. Na yegada di e patruyanan a bin compronde cu aki ta trata di un atraco unda 2 persona color cla basta jong cara tapa cu hooties bisti un a bini cu un machete e otro cu un cuchiu exigiendo pa placa y a bay cu mas of menos 700 florin djey nan a core bay. Atraco team a ser avisa y polis a conseha e victimanan pa bay warda di polis San Nicolaas. Atraco team a bay na e warda unda eynan a tuma e keho.

CUERPO POLICIAL TA INFORMA

Awe diasabra madruga pa 2:55 central di polis ta wordo notifica cu un atraco lo mester a tuma lugar na e snack truck dilanti Carnival Village.
Na yegada di patruya por a compronde cu un rato prome dos hende homber cara tapa , un cu machete y e otro cu cuchiu lo a jega eynan y a atraca. Nan lo mester a papia papiamento y a bay cu e suma di mas o menos afl700,-. E dos sospechosonan lo mester a hui na pia direccion noord.
Atraco team a presenta pa haci nan investigacion.

Cuerpo Policial ta pidi esnan cu a wak algo of sa algo jama tiplijn di polis cu ta 11141.

Share:

Leave a Reply

Your email address will not be published.