Problema na ora di cambia cahanan di botter di serbes bashi a escala bay te na agression y a bin termina na 3 detencion

Diahuebs atardi a drenta informe di un pelea cu palo pafor di Win Lee Supermarket, mesora a dirigi un patruya na e sitio. Na yegada di e ta patruya a bin compronde cu chinesnan a lanta contra un adicto ambulante cu a bin cambia un caha di boter di cerbes bashi. E adicto a yega cu e caha di Chill pa haya 4,80. Pero su actitud fresco a causa cu e chines no kier atende cune. Parce di otro chollernan si e ta cambia. Dor cu e chines a nenga di cambia e boternan, el a rabia dal e porta kibra e glas. E chinesnan a bay den accion mesora cu palo den man pa atende cu e adicto. El haya basta sla. E slanan tabata bisto na su curpa. Polis a atende cu e partidonan. A scucha e adicto tambe y a mira kico a sosode. A detene e adicto pa destruccion y dos chines pa maltrato entre otrocu arma. Den dos diferente dogcatcher a bay cu e sospechosonan warda di Polis. Eynan lo cuminsa un investigacion. E chinesnan no ta papia ningun otro idioma cu ta chines. Eynan Polisnan lo mira con ta bay haci milager pa logra haya hende pa yuda den e proceso di interogacion. E chinesnan di Win Lee no ta haci wega. Ken cu bin haci un of otro abuso den nan localidad ta haya sla.

Share:

Leave a Reply

Your email address will not be published.