Accidente cu hende herida y pega den auto na e bocht di Pos Abao

Diamars mainta a drenta informe di un accidente cu hense herida na e birada panort di Fantastic Gardens na Pos Abao, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un dama chauffeur di un Daihatsu Terios bayendo nort a perde control den e bocht y a bay otro banda di caminda dal un Honda City di direccion contrario raspe den su banda kibra e glas di e Honda herida e chauffeur na su man y su cara unda hasta glas lo a bay den su wowonan. Polis a nota cu e 2 portanan di e auto Honda a keda pega y a pidi presencia di e equipo di rescate di bombero pa bin habri esakinan. Na yegada di e ambulans nan a ripara cu e victima por sali masha bon na e banda drechi di e auto y a haci esaki. Na yegada di e equipo di bombero ya su presencia no tabata necesario pero a tur seguridad a kita e klemnan di contacto na e bateria di auto pa evita un que otro problema cu lo por surgi.

Share:

Leave a Reply

Your email address will not be published. Required fields are marked *