For si diabierna tabata tin rumornan cu menasanan di un posibel “school shooting” na Colegio Arubano, e school mes tabata silencioso pa locual ta trata informa e mayornan y e alumnonan di esaki. Asina mes diabierna atardi polis a emiti un informe pero cu tabata carece di tur detayes pa djies informa cu nan tin atencion pa e locual cu a sosode na Colegio Arubano. Sin ningun detayes di loke a pasa. Diadomingo e mayornan a ser informa cu dialuna lo cuminsa listra den tas y hasta fouilleer e muchanan. Algo cu ministerio publico por laga sosode pero nan no a emiti ningun informe di e procedura aki. Net den e siman aki e muchanan ta bezig cu CP/SE, pa colmo cu orarionan stipula pero e inspeccion y fouillering a bin tuma basta tempo afectando e muchanan pa drenta debi na e control. E seguridad di e muchanan ta na prome lugar pero tampoco school por kibra derechonan di privacidad menos aun kibra ley. Ken ta controla/ fouilleer e muchanan?
