Diaranzon mainta a drenta informe di un accidente cu hende herida dilanti di Quality Apartments na Schotlandstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un vehiculo Hyundai Accent maneha pa turista, a sali for di Quality Apartments. Pero ela subi caminda sin duna preferencia y nan a dal den otro. E otro vehiculo, cu tabata un Mitsubishi Lancer, maneha pa un dama, no por a haci net nada pa evita e impacto. Debi na e impacto aki e chauffeur aki tabata keha di dolor den pecho, door di a bay dal su pechi riba e stuur, y tambe tabata keha di dolor di nek. Den e Hyundai tabatin dos turista femenino y e chauffeur tambe tabata keha di dolor na nek. Na yegada di e ambulans nan a atende e victimanan.
