Diaranzon mainta a drenta informe di un accidente/auto na candela na e rotonde Seroe Blanco, mesora a dirigi un patruya na e sitio. Na yegada di e opatruya a bin compronde cu e chauffeur di un Suzuki Aerio biniendo di nort yegando e rotonde a tende un explosion rebentando e hood lanta esaki strobando e bista a bay dal na e acera di e rotonde y e motor tabata full na candela. Polis mes a basha awa riba e auto y a domina e candela. Afortunadamente ningun hende a resulta herida.
