Dialuna den oranan di mainta patruyanan tabata hopi druk den area di Oranjestad banda di waf, pidiendo nan presencia pa diferente tipo di caso. Un di nan ta esun den Weststraat caminda cu lo tin un kiebro, segun a papia di dje.Pero ora cu autoridadnan concerni a yega eynan, a constata cu no tabata trata di un kiebro na 7 West pero e tabata un problema unda tabata e club nocturno RAIN, cu tin casi un aña cera caba. A mira cu adictonan a invadi e luga. Nan a yega cu tur nan pañanan y nan materialnan di uzo di droga. No ta conoci cuanto dia e situacion t’asina, pero ta awe a constata e movecion continuo di hendenan eyden pa cual a dicidi di bati alarma. E situacion di adictonan ambulante a bira un problema masha grandi ultimo tempo. Ya caba un edificio den centro a wordo cera, despues cu tabatin hopi movecion di benta di droga y hasta un persona a overdose eyden. E ta un problema grandi cu ta exigi un solucion rapido.
