Dialuna mainta tempran ladronnan a sigui cu nan accionnan di kiebro y ladronicia y e biaha’ki nan a bay na un establecimento den Blauwesteeg unda a kibra drenta. Mainta tempran Polisnan a bay na un negoshi na e adres ariba menciona. E ladron(nan) a drenta den e luga via di un buraco masha chikito cu tin riba e porta principal. Doño a bisa e Polisnan cu e ladronnan a bay cu boter y caha di bebida alcoholico, kisas muestra cu sigur ta mas cu un hende a drenta e luga aki. Den nan pura pa bay for di e sitio, un di nan a laga un pechi atras cu por sirbi como prueba den e investigacion.E negoshi aki a haya un doño nobo den luna di augustus ultimo como Bontekoe Cafe. Esaki ta di dos biaha den 2019 cu e negoshi aki ta haya bishita indesea di ladronnan.Personal tecnico di Cuerpo Policial a presenta na e sitio pa haci nan investigacion tambe.Tanto na cas como na negoshinan mester tuma extra precaucion pasobra ladronnan den e ultimo dianan aki lo haci mas uzo di tur chens cu haya pa horta, manera den e caso aki simplemente bebida pa consumi e temporada aki.
