Diadomingo anochi a drenta informe di un accidente cu hende herida net dilanti Wilhelmina Park, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Ford Ranger color blanco cu tabata biniendo riba un velocidad hopi halto segun e testigonan y a alcansa un ciclista. E ciclista tabata keha di dolor na varios parti di su curpa. Polis atento a dicidi di laga e chauffeur di e pick-up supla pa haci un test di alcohol cun’e. Na yegada di e ambulans nan a atende e victima cu tabata keha di dolor. Na final ambulance a trata e victima na sitio y e chauffeur cual tabata bao influencia cu awa na wowo a keda transporta pa Warda di Polis pa a core auto bao influencia y ocasiona un accidente.
