Diasabra anochi un dama cu kier a sali bay disfruta cu su amistadnan canado pa bay Zona Zero (ex-Flamboyan) cerca di warda di polis den Wilhelminastraat y a haya susto y maltrato ora 3 homber a acerke y un di nan a dal e un mokete na su cara y a bay cu su cadena y un tas cu e tabata tin y a core bay pariba. Algun persona a core tras di e sospechosonan y na altura di El Gaucho polis a topa cu e sospechosonan y a detene y a trese na warda di polis.
Durante e investigacion a bin sali na a cu aki no ta traya di un atraco pero simplemente un problema entre e 3 personanan aki cu un pareha! Aki ta sigui e informe policial di e caso aki.
Cuerpo Policial ta informa:
Diasabra anochi pa mas o menos 11:25 un pareha ta drenta na warda y declara cu e señora a wordo atraca pa tres hende homber un rato prome. Patruya a sali di biaha y cuminsa un busceda pa e tres sospechosonan. Na altura di El Guacho patruya a topa cu e sospechonan y a bay over na detencion.
Recherche a presenta na warda di playa y cuminsa cu e investigacion. Di e investigacion a sali na cla cu no ta trata di nuin atraco sino di un pelea entre e tres sospechosonan y e pareha di e señora door di a haci un mal chansa .
