Chauffeur burachi sin rijbewijs a causa accidente

Diaranzon anochi a drenta informe di un accidente na e cruzada Dominicanessenstraat/ Caya Ing. Roland H. Lacle, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un homber sin rijbewijs coriendo burachi den un Chevrolet Celta shinishi a dal den un truck di parti ijs. E tabata riba Dominicanessestraat direccion pariba y ora ela yega na T-Weg cu Caya ing. Roland H. Lacle ela tuma e birada na man drechi mucho grandi y a bay dal riba e truck di direccion contrario. Segun un pasahero den e Celta ta e tire a rementa y pesey nan a bay mucho den e parti di direccion contrario. Net e truck di Andina Ice tabata bay direccion Seroe Blanco y e Celta a dal den dje. Ora cu polis tabata atende e accidente a realisa cu e chauffeur di e Celta ta mustra bebi. A pidi coleganan pa trece e machine di supla pa test e chaauffeur. Ora a supla el a pasa 4X e limite maximo permiti pa ley. A detene mesora. E homber ta di nacionalidad Colombiano. E tin firma liber pero rijbewijs si e no tin. Awor el a keda cu e gastonan pa bay paga y ademas e resto di e oranan di Pasco lo keda cera tambe.

Share:

Leave a Reply

Your email address will not be published. Required fields are marked *