Cosecha ta sigui ofrece workshops creativo den 2020

Cosecha ta sigui ofrece workshops creativo den 2020. Hopi hendenan local ta atende nos workshops, no solamente pasobra nan kier experiencia un workshop creativo y sinja un techniek nobo pero tambe pa juda aporta na desaroyo di Cosecha. Cosecha ta contento cu esaki y kier gradici tur hende cu den 2019 a brinda nos nan sosten den un manera of otro. Den e prome luna di 2020, Cosecha tin tres workshops creativo plania.

Diasabra 18 di januari, Natalia Koolman ta introduci su Mandala workshop nobo den Cosecha. E biaha aki bo por decora un copi y scoter cu un disenjo di Mandala. E workshop lo tuma lugar di 02.00 pm – 05.00 pm. Edad pa por participa ta 10 anja bai ariba y e prijs pa por participa ta AWG 45.00.

Diabierna 24 di januari, Claudia van Kessel ta sigui cu su di dos mosaic workshop di e linea Asiatico cu e ta duna na Cosecha. E biaha aki bo por traha un Samurai. Manera ta strandard di e workshop aki, ta traha e piesa na Cosecha di cual piesa tin hopi detaye y lo haja material y instructions pa hasi e grout na cas. E workshop lo tuma lugar di 05.00 pm – 07.30 pm. Edad pa por participa ta 15 anja bai ariba y e prijs pa por participa ta AWG 50.00. 

Diabierna 31 di januari, Merveline Geerman tambe ta introduci su Mixed Media Dolls workshops den Cosecha. Durante e workshop aki bo por traha un piesa decorativo. Cu tegels, sinta, boton y mucho mas bo ta sinja con pa traha riba palo bo mesun Maria, Maria ta e nomber di e prome popchi di e linea aki. E workshop lo tuma lugar di 05.00 pm – 08.00 pm. Edad pa por participa ta 15 anja bai ariba y e prijs pa por participa ta AWG 50.00. 

Tur e workshops di Cosecha ta tuma lugar den e Centro Creativo di Cosecha na San Nicolas. Y tur prijs ta inclui material y refreshment.   Inscripcion ta necesario y esaki ta tuma lugar na Cosecha San Nicolas of na Cosecha Oranjestad.

Share:

Leave a Reply

Your email address will not be published.