Diamars madruga a drenta informe di un caso di maltrato unda un homber a agredi su pareha na Sabana Basora y a bay sconde e auto di dama na otro caminda na cas di e mama di e agresor. Ora polis a yega a haya tur informacion y a confirma cu e auto ta na Pos Chikito na cas di e mama. E agresor a laga e auto eynan y a regresa na Sabana Basora pa sconde y lock su mes den e cas. Polis mester a busca fiscal auxiliar pa asina por a logra drenta y detene e agresor. Mientras a bay hiba e dama pa busca e auto. Polis a informa e dama pa e pasa busca un rapport medico y pasa na oficina di recherche pa entrega keho.
